Prófessorar kjósa um hvort boða eigi til verkfalls

Félag prófessora við ríkisháskóla gengur nú til atkvæða um hvort boða eigi til verkfalls 1. til 15. desember næstkomandi. Atkvæðagreiðsla fyrir félagsmenn hófst í dag og munu niðurstöður liggja fyrir næsta mánudag.

Mbl.is greindi fyrst frá. Rúnar Vilhjálmsson, formaður Félagsins, sagði í viðtali við Vísi fyrir helgi „mun meiri líkur en minni“ á því að verkfallsaðgerðir yrðu samþykktar ef félagsmenn fengju að kjósa um það. Ljóst er að verkfall prófessora myndi hafa gríðarlega neikvæð áhrif á skólastarf og í raun lama prófahald hjá ríkisháskólum.