Framúrstefnulegur Fiat jepplingur

Þennan tilraunabíl ætlar Fiat að kynna á bílasýningu í Sao Paulo í Brasilíu á næstunni. Hann lýtur út eins og fjögurra dyra „coupe“ bíll á stultum og með palli. Þetta er þó ekki pallbíll, heldur er hann með svo mikið hallandi afturrúðu að hún vart sést á myndum af honum.

Bíllinn er ansi stór, en hann er lengri en BMW X6, en talsvert lægri og mjórri. Útlit hans endurspeglar ef til breyttar áherslur hjá Fiat fyrirtækinu sem nú er orðið „amerískt“, eins og fráfarandi forstjóri Ferrari orðaði það um daginn.

Tilraunabíllinn er kallaður FCC4 og stendur það fyrir Fiat Concept Car með 4 hurðum og er hann teiknaður í hönnunardeild Fiat í S-Ameríku, en Fiat framleiðir mikið af sínum bílum í S-Ameríku. Þessum bíl verður þess vegna aðallega beint að þeim markaði ef af framleiðslu hans verður.