Tekur Kim Kardashian áskoruninni?

Svo virðist sem að hin bandaríska raunveruleikastjarna Kim Kardashian íhugi að taka áskorun heimildamyndarinnar Fed Up um að hætta sykri í 10 daga ef marka má Twitter færslu stjörnunnar fyrir skömmu.

Heimildarmyndin, sem framleidd er meðal annars af þekktustu fréttakonu bandaríkjanna Katie Couric, virðist vera að hafa mikil áhrif í heiminum. Myndin fjallar um þá ógn sem að stafar af ofneyslu sykurs og þá lífstílssjúkdóma sem að beintengja má við hana. 

Mikið hefur verið rætt um sykur og ofneyslu hans á Íslandi eftir áskorun Heilsuvísis á þjóðina með átakinu Sykurlaus september  og nú síðast í gær var viðtal við Dorrit Moussaief, forsetafrú þar sem að hún lýsti yfir áhyggjum sínum á ofneyslu sykurs og vildi stíga það skref að banna innflutning á sykri til landsins.

Tæplega sextíu þúsund manns hafa nú þegar tekið áskorun Fed up síðan myndin var frumsýnd í september síðastliðnum. Það virðist því sem að óhróður þessa óvin mannkynsins berist ansi víða og hratt um heiminn.