Páll Liljar framkvæmdastjóri Tæknisviðs hjá Mílu

Páll Liljar Guðmundsson hefur verið ráðinn framkvæmdastjóri yfir nýju Tæknisviði hjá Mílu.

Í tilkynningu frá Mílu kemur fram að með nýju Tæknisviði sé verið að skerpa áherslu á tæknilega uppbyggingu hjá fyrirtækinu og kemur í framhaldi af þeim áherslubreytingum sem unnið hefur verið að undanfarna mánuði.

Páll útskrifaðist sem verkfræðingur frá Háskóla Íslands á1998 og hóf í kjölfarið störf hjá Símanum. Hann hefur gegnt stöðu forstöðumanns hjá Símanum síðan 2006, núna síðast sem forstöðumaður Gagnalausna og Tækniþjónustu.

Páll Liljar hefur þegar hafið störf hjá Mílu og mun hann ásamt öðrum vinna að nánari útfærslu á nýju sviði.