Heilsa

Hollar nestishugmyndir

Rikka skrifar
mynd/ljúfmeti.com
Malín Örlygsdóttirmynd/ljúfmeti

Á bloggsíðu matgæðingsins Svövu Gunnarsdóttir, Ljúfmeti, er að finna ógrynni af girnilegum og hollum uppskriftum. Bloggið hefur verið eitt af vinsælustu matarbloggum á landinu undanfarin ár og skal engan undra það. 

Malín Örlygsdóttir, dóttir Svövu, tók sig til og tók saman nestishugmyndir fyrir fólk sem er sífellt á hlaupum. Sjálf er hún nýbyrjuð í menntaskóla þar sem að auðveldasta leiðin virðist stundum vera að næra sig á sjoppufæði. Malín tók málin í sínar hendur og fann það hjá sér að hún vildi ekki venja sig á óhollustufæði, fyrir utan það hvað það væri dýrt. Hún brá þá á það ráð að útbúa nesti á hverjum degi á heimasíðu Ljúfmetis má finna árangurinn.

Þær mæðgur gáfu okkur á Heilsuvísi uppskrift af dásamlegum hafrabitum sem er í miklu uppáhaldi hjá fjölskyldunni og tilvalið sem millibiti eða í nestistöskuna.





Hafrastykki

230 g haframjöl (2½ bolli)

10 g rice krispies (½ bolli)

20 g kókosmjöl (¼ bolli)

90 g súkkulaðibitar  (½ bolli ) -mér þykir suðusúkkulaði best

100 g púðursykur (½ bolli)

1/2 tsk salt

50 g smjör (¼ bolli)

60  g hnetusmjör (¼ bolli)

3 msk hunang

2 msk sýróp (má sleppa)

1/2 tsk vanilludropar

Setjið smjör, hnetusmjör, hunang og sýróp í pott og bræðið saman við lágan hita. Þegar blandan hefur bráðnað er vanilludropum bætt út í.

Setjið haframjöl, rice krispies, kókosmjöl, súkkulaðibita, púðursykur og salt í skál og blandið vel. Hellið smjörblöndunni saman við og hrærið öllu vel saman. Þrýstið blöndunni í bökunarform sem er 20×20 cm og bakið við 175° í 20 mínútur. Kælið og skerið síðan í stykki.






Fleiri fréttir

Sjá meira


×