Hollur og góður sætkartöflu drykkur

Sætar kartöflur eru hollar, góðar og stútfullar af næringu. Þær innihalda meðal annars A vítamín, C vítamín, járn, magnesíum og kalk. Þær eru því frábærar í eldamennskuna og í drykki í stað óhollrar sætu.

Hér kemur uppskrift af bragðgóðum og hollum drykk sem er frábær þegar löngunin í eitthvað sætt hellist yfir.

Hráefni sem þarf í drykkinn:

1/2 lífræn sæt kartafla

1 lítill frosinn banani

2 steinlausar döðlur

1 og 1/2 bolli möndlumjólk

3 ísmolar

1/4 teskeið kanill

Leiðbeiningar:

Blandið öllum hráefnunum saman í blandara eða matvinnsluvél þangað til að áferðin er orðin mjúk. Hellið í glas og stráið örlitlum kanil yfir.

Drekkið og njótið!