„Bærinn iðar af lífi“

Gífurlegur fjöldi fólks er nú samankominn í miðbænum vegna Gleðigöngu Hinsegin daga. Allt hefur gengið áfallalaust fyrir sig í umferðinni samkvæmt lögreglu. Að undanskildum einum árekstri og að mikið álag er á strætisvagnakerfinu.

Þá hefur umferð verið mikil og virðast allar götur liggja til miðbæjarins. DV segir frá því að troðfullt sé í öllum strætisvögnum, sem keyri nú framhjá stoppistöðvum. Vagnarnir fyllist í úthverfunum og fólk sem búi nær miðbænum komist ekki í strætó.

Þar að auki segir Mbl frá því að þriggja bíla árekstur á gatnamótum Hringbrautar og Lönguhlíðar, við Klambratún, sem valdi töfum í umferð.

Lögreglan hefur ekki tölu á hve margir eru í bænum en einn lögreglumaður sem Vísir ræddi við sagði þá vera fjölmarga. „Bærinn iðar af lífi“.

Uppfært 16:36

Umferðardeild lögreglunnar segir að 80 til 90 þúsund manns hafi verið í miðbænum í dag, þegar mest var.

Post by Reykjavik Gay Pride.

Umferðardeildin að sýna lit #reykjavikpride pic.twitter.com/LZi7m2SMXV

— Gunnar Dofri (@gunnardofri) August 9, 2014

#Reykjavikpride Tweets