Nýjar tölur úr laxveiðinni

Veiðisumarið rúllar áfram og ennþá eru smálaxagöngurnar heldur litlar en þó farnar að láta sjá sig í einhverjum mæli.

Aðeins ein á er komin yfir 1000 laxa og það er Blanda með 1388 laxa, mest af svæði I en veiðin á hinum svæðunum er þó líka búin að vera ágæt og er vaxandi enda besti tíminn framundan á þeim svæðum.  Eystri Rangá er sömuleiðis í góðum málum og veiðin áþekk því sem hún var í fyrra.  Stórlaxahlutfall er ennþá mjög gott í ánni og smálaxinn sem hefur verið að mæta vel haldinn.  Annars er sorglegt að horfa niður  listann og horfa á stór nöfn meðal ánna skila lélegri veiði milli vikna.  Í nokkrum ám er þó ekki endilega fiskleysi fyrir að fara, þó vissulega sé minna af laxi en á meðalári en veiðimenn sem t.d. hafa verið við Hítará og Langá hafa kastað á hylji þar sem liggja margir laxar en þeir ekki tekið neitt sem fyrir þá hefur verið borið.  Þessi lægð er dýpri en hún var 2007 þegar veiðin í ágúst varð sérstakelga góð í mörgum ám sem voru rólegar framan tímabilinu og víst er að margir veiðimenn og leigutakar vonast eftir því að það endurtaki sig núna.  Listinn með 10 eftstu ánum frá Landssambandi Veiðifélaga er hér að neðan og listann í heild sinni má nálgast á www.angling.is

Veiðivatn	Dagsetning	Heildarveiði	Stangafjöldi	Lokatölur 2013
Blanda	30. 7. 2014	1388	14	2611
Eystri-Rangá	30. 7. 2014	877	18	4797
Þverá + Kjarará	30. 7. 2014	747	14	3373
Norðurá	30. 7. 2014	670	15	3351
Miðfjarðará	30. 7. 2014	639	10	3667
Ytri-Rangá & Hólsá, vesturbakki.	30. 7. 2014	534	20	5461
Haffjarðará	30. 7. 2014	490	6	2158
Laxá á Ásum	30. 7. 2014	454	2	1062
Selá í Vopnafirði	30. 7. 2014	411	7	1664
Laxá í Aðaldal	30. 7. 2014	407	18	1009