Mikið vatn en nokkuð líf í Hrútafjarðará

Ágætis veiði hefur verið í Hrútafjarðará síðustu daga þrátt fyrir mikið vatn en áin er eins og margar á þessu svæði búin að vera mjög vatnsmikil frá opnun.

Þegar árnar fara svona mikið upp í vatni verður oft erfitt að veiða þær þar sem veiðistaðirnir breyta sér mikið og laxinn liggur oft á öðrum stöðum en venjulega.  Finnur Björn Harðarsson var að koma úr Hrútu og náði þar meðal annars þessum fallega 80 sm laxi sem tók Sunray Shadow neðst í Réttarstreng en laxinn leggst gjarnan þeðarlega í veiðistaðina þegar árnar hækka.   Það er ekki líklegt að mikil breyting verði á vatnsmagninu næstu daga þar sem það á eftir að rigna reglulega næstu daga en vatnsstaðan er það há að það þyrfti þurrka í góðann tíma til að lækka vatnið hratt.  Þetta er almennt staðan víða um land þessa dagana.  Mikið vatn í ánum gerir þær óveiðandi suma daga og heilt yfir eru veiðimenn sammála um að stórlaxinn sé að skila sér í auknum mæli í árnar og nú loksins er aðeins farið að bera á smálaxi.