Gangagerðarmenn flýja heita vatnið

Stríður straumur af heitu vatni í Vaðlaheiðargöngum bendir til að gjöful heitavatnsæð sé á svæðinu.

Forstjóri Norðurorku segir þetta hafa komið mönnum á óvart og gera þurfi rannsóknir í kring um göngin. Ákveðið að hefja borun Fnjóskadalsmeginn á meðan vatnsflaumurinn er stöðvaður Eyjafjarðarmegin.

Um miðjan febrúar fóra að flæða mikið af heitu vatni í Vaðlaheiðargöngum eða um 380 lítrar á sekúndu og hefur það sett nokkuð strik í reikninginn við gerð ganganna. Bormönnum hefur nú tekist að koma flæðinu í 200 lítra á sekúndu.

Vatnið hefur verið leitt í rör og dælt út úr göngunum og svo er unnið að unnið að því að loka sprungunni með svo kölluðum efnagraut. Hins vegar hefur verið ákvðið að flytja borinn yfir Vaðlaheiði og byrja að bora Fnjóskadals meginn. Upphaflega var gert ráð fyrir að borað væri beggja megin frá en verkið er 6 vikim á undan áætlun Eyjafjarðar meginn og nokkuð á eftir áætlun Fnjóskadals meginn.

Forstjóri Norðurorku segir vatnið í göngunum þó of kalt til notkunar í veitukerfi fyrirtækisins. Nú fari menn í frekari rannsóknir sem muni taka nokkur misseri eða ár.

Björn Harðarson umsjónarmaður jarðgangagerðarinnar hefur komið að gerð allra jarðganga á Íslandi frá árinu 1988. Hann segir Vaðlaheiðargönginn svipuð öðrum göngum.

Menn eru þó fullvissir um að göngin verði opnuð samkvæmt áætlun í desember 2016.