„Svo eru gæjar eins og þessi og jafnvel verri sem senda nektarmyndir af sér"

Arna Bára Karlsdóttir hárgreiðslukona og Playboy-fyrirsæta fær mörg skilaboð frá ókunnugum í gegnum Facebooksíðuna sína. Hún er með sérstakan síðustjórnanda sem fer í gegnum allan tölvupóst.

Unnusti Örnu fer til að mynda yfir öll skilaboðin sem henni berast því hún kærir sig ekki um að sjá póstana sem innihalda dónalegar myndir.



Opnar ekki póstinn

„Ég er vön að fá mikið af skilaboðum frá karlmönnum en það eru oftast krúttlegar ástarjátningar en svo eru gæjar eins og þessi og jafnvel verri sem senda nektarmyndir af sér," segir Arna Bára og vísar í meðfylgjandi samskipti neðar í grein sem hún átti við ókunnugan mann sem setti sig í samband við hana.

„Ég persónulega opna ekki skilaboðin lengur á módelsíðunni minni heldur bið ég manninn minn, Heiðar Má Árnason, um að opna þau á undan og eyða út skilaboðum sem ég kæri mig ekki um að sjá."

Birtir dónamyndir á Twitter

„Reyndar er mamma einnar Playboy-vinkonu minnar síðustjórnandi hjá mér og hún tekur allar typpamyndir sem ég fæ sendar og birtir á Twitter með nöfnum og athugar hvort þessir menn eigi maka. Gott að reyna að stoppa svona dónakalla," segir hún.