Sjáðu öll bitin hjá Suárez | Myndband

Luis Suárez beit andstæðing í þriðja sinn á ferlinum í dag. Úrúgvæinn beit GiorgioChiellini, varnarmann Ítalíu, í leik liðanna á HM í Brasilíu sem Úrúgvæ vann, 1-0, og komst áfram í 16 liða úrslitin á kostnað Ítala.

Suárez gæti verið á leiðinni í annað langt leikbann en hann hefur samtals misst af 17 leikjum vegna leikbanna fyrir að bíta andstæðinga sína.

Fyrst beit Suárez miðjumanninn OtmanBakkal, leikmann PSV, í leik með Ajax í hollensku úrvalsdeildinni í nóvember árið 2010. Fyrir það fékk hann sjö leikja bann.

Næst beit Úrúgvæinn BranislavIvanovic, varnarmann Chelsea, í leik með Liverpool í apríl í fyrra og fékk fyrir það tíu leikja bann.

Hér að neðan má sjá myndband af atvikunum þremur.