Laxinn mættur í Ytri Rangá

Ytri Rangá hefur venjulega verið talin ein af þessum ám sem laxinn mætir í þegar líður á júní en nokkrir laxar hafa þegar sýnt sig í ánni.

Áin opnar eftir 10 daga og það veit á gott að sjá laxa þetta vel fyrir opnunardaginn.  Laxar hafa sýnt sig bæði við Djúpós og við Borg en báðir þessir staðir eru sérstaklega eftirsóttir í upphafi tímabils enda gefa þeir báðir góða veiði.  Aðrir staðir sem hafa verið heitir fyrstu dagana eru t.d. Staur, Klöppin, 17 1/2 og Straumey en staðir eins og Gunnugilsbreiða sem var ekki fyrir löngu einn af bestu stöðunum í ánni breytti sér aðeins í fyrra og gaf minni veiði en mátti vænta.  Sá staður breytir sér eins og nokkrir staðir í ánni reglulega og gæti þess vegna komið inn sterkur í sumar.  Nýjir leigutakar hafa tekið við ánni og hafa verð lækkað umtalsvert en til 6. júlí eru stangirnar seldar á 25.000.  Leyfin í Ytri Rangá má nálgast á vefnum www.veida.is