Get ég fengið viðtal Frú Frambjóðandi! Anna Lóa Ólafsdóttir skrifar 26. maí 2014 15:12 Þegar ég ákvað að fara í framboð þá sá ég fyrir mér að það yrði slegist um að taka viðtöl við mig. Ég yrði nýjasta andlitið í pólitík og allir væru vitlausir í að heyra hvað ég hefði fram að færa. En vitið þið, það er bara alls ekki þannig svo ég ákvað bara að taka viðtal við mig sjálf og út frá þeim vangaveltum og spurningum sem sveima í kringum mig þessa dagana. Bjarni blaðamaður er tilbúningur minn - köllum hann bara BB. BB: Mig langar að byrja á því að spyrja þig, nú er fólk órólegt vegna þess að þið eruð ekki flokkur. Fólk er vant að kjósa flokka en ekki fólk - hvernig getur þú fullvissað kjósendur um að það borgi sig að kjósa ykkur í stað einhvers af flokkunum sem sumir hafa margra áratuga reynslu af samstarfi? Ég : Jú sjáðu til, við erum að svara vilja fólksins um breytingar - fólk talar um að vilja kjósa fólk en ekki flokka og við erum svar við því. Við erum óháð framboð og innan þess er þverskurður einstaklinga úr samfélaginu sem hefur velferð íbúa að leiðarljósi. Þetta er öflugur hópur með mikla reynslu og menntun að baki sem á það sameiginlegt að vilja breytingar í bæjarfélaginu. BB: Já en þið VERÐIÐ að segja kjósendum hvað þið ætlið að gera. Stefnan ykkar er ekki nógu skýr - hver eru ykkar loforð? Ég spyr nú bara eins og sumir, viljið þið skerta þjónustu, draga úr framkvæmdum, banna alla uppbyggingu eða hvað? Ma..ma..ma..maður bara áttar sig ekki alveg á þessu. Ég: Við viljum ekki gefa ykkur innantóm loforð - þið hafið kvartað yfir þeim ekki satt? Auðvitað viljum við ekki skerta þjónustu - HVER vill það? Þetta snýst um vinnubrögð - að valinn sé hópur sem er treyst til að taka ákvarðanir eins og þegar ráðið er í önnur störf. Við höfum sett fram stefnuskrá sem við viljum hafa að leiðarljósi en gerum okkur grein fyrir því að hér þarf að forgangsraða næstu árin, því bærinn er skuldsettur upp fyrir haus. Við viljum setja fólkið í forgang og þá þarf óhjákvæmilega að endurskoða og endurskipuleggja. BB: Það er bara alls ekki nóg - á hverju ætlið þið að byrja og hvað með alla þessa samvinnu? Heldurðu virkilega að það sé möguleiki - samvinna, samstarf, spyrja íbúa og hvað þetta nú allt heitir?. Heldurðu í ALVÖRU að þetta sé hægt? Ég: Já ég held að þetta sé vel hægt, alveg eins og í öllum öðrum vel reknum fyrirtækjum. Þar ræður þú til þín fólk með mismunandi getu, reynslu og hæfileika en þannig hópar vinna oft best saman. Einsleitur hópur kallar oft á fyrirsjáanlegar úrlausnir sem henta ekki heildinni heldur þeim sem hafa eigin hagsmuna að gæta. Fólk talar svo mikið um að það vilji breytingar, margir komnir með upp í kok af átakapólitík, niðurrifi og skemmdarstarfsemi. Hefur þú hlustað á umræður frá alþingi nýlega? Og ef við viljum breytingar, þá langar mig að spyrja HVAÐA breytingar erum við að tala um og hverjir eiga að framkvæma þær? BB: Má ég minna þig á að það er ég sem spyr spurninganna hérna. Gott og vel - en segjum svo að það séu fjórir flokkar (eða ekki flokkar eins og þið) sem geta náð meirihluta. Hvernig sérðu það fyrir þér? Ég: Eins og annars staðar þar sem fólk þarf að sammælast um ákvarðanir. Þú veist að þetta er gert út um allt á hverjum einasta degi og gengur bara ágætlega ef fólk hefur hagsmuni heildarinnar að leiðarljósi. Af hverju ætti ekki hópur af vel gerðu fólki að geta unnið saman - snýst þetta ekki um traust? Snýst þetta virkilega um flokka og áherslur þeirra? Þetta er ástæðan fyrir því að ég er ekki í ákveðnum flokki - ég vil geta tekið upplýsta ákvörðun án þess að upplifa hindrun út frá stefnu flokksins. Í mínum huga er það úrelt sýn. BB: Já gott og blessað, sjáum hvað setur. En að öðru, nú eruð þið greinilega svona frjálsari í kosningabaráttunni en maður á að venjast. Heldurðu að það veki traust hjá almenningi? Ég: Hum skil ekki alveg spurninguna. BB: Jú sjáðu til, þú mætir til að mynda í gallabuxum og strigaskóm í þetta viðtal og svo sá ég mynd af þér á kosningaskrifstofunni um daginn í venjulegum, hvítum bómullarbol. Hvað heldurðu að kjósendum finnist um þetta? Ég: Þú ert vonandi að grínast í mér núna! BB: Nei nei alls ekki. Snýst þetta ekki um traust og virðingu? Ég: Jú einmitt og mælir þú hana í bómull? BB: Ég vil minna þig aftur á að ég spyr spurninganna hér. Ég læt kjósendur um að ákveða um fatnaðinn. En svona eitt að lokum, þið talið um faglega ráðningu á bæjarstjóra. Hef heyrt á fólki að það er ekki alveg sátt við þetta. Einhver utanaðkomandi stimpilklukkustarfsmaður sem hefur ekki sömu tilfinningar gagnvart bænum og einhver héðan. Viljum við ekki einhvern sem er vakandi og sofandi yfir velferð bæjarbúa. Hvað viltu segja við fólk varðandi þetta? Ég: Uh þú veist að núverandi bæjarstjóri er aðfluttur er það ekki? Hann flutti hingað þegar hann tók við starfi bæjarstjóra árið 2002. BB: Æ veistu, ég nenni ekki að tala við þig lengur. Gangi þér vel eða eitthvað! Viltu birta grein á Vísi? Sendu okkur póst. Senda grein Forsetakosningar 2016 Skoðun Kosningar 2014 Reykjanes Mest lesið Ríkissjóður snuðaður um stórar fjárhæðir Sigurjón Þórðarson Skoðun Er verið að blekkja almenning og sjómenn? Einar Hannes Harðarson Skoðun Lágkúrulegur hversdagsleiki illskunnar Guðný Gústafsdóttir Skoðun Við viljum nafn Jón Kaldal Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson Skoðun Stóra skekkjan í 13 ára aldurstakmarki samfélagsmiðla Skúli Bragi Geirdal Skoðun Aðskilnaðurinn hlær Þórdís Hólm Filipsdóttir Skoðun Fögur fyrirheit sem urðu að engu Sigurður Eyjólfur Sigurjónsson Skoðun Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson Skoðun Væntingar á villigötum Hjálmtýr Heiðdal Skoðun Skoðun Skoðun Skilningsleysi á skaðsemi verðtryggingar Guðmundur Ásgeirsson skrifar Skoðun Menntakerfi í fremstu röð Guðmundur Ari Sigurjónsson skrifar Skoðun Enn ríkir áhugaleysi um afdrif fósturbarna Guðlaugur Kristmundsson,Sigurgeir B. Þórisson skrifar Skoðun Við viljum nafn Jón Kaldal skrifar Skoðun Stóra skekkjan í 13 ára aldurstakmarki samfélagsmiðla Skúli Bragi Geirdal skrifar Skoðun Er verið að blekkja almenning og sjómenn? Einar Hannes Harðarson skrifar Skoðun Væntingar á villigötum Hjálmtýr Heiðdal skrifar Skoðun Aðskilnaðurinn hlær Þórdís Hólm Filipsdóttir skrifar Skoðun Lágkúrulegur hversdagsleiki illskunnar Guðný Gústafsdóttir skrifar Skoðun Glerþakið brotið á alþjóðlega sjónverndardaginn Sigþór U. Hallfreðsson skrifar Skoðun Fögur fyrirheit sem urðu að engu Sigurður Eyjólfur Sigurjónsson skrifar Skoðun Ríkissjóður snuðaður um stórar fjárhæðir Sigurjón Þórðarson skrifar Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson skrifar Skoðun Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson skrifar Skoðun Ruben Amorim og sveigjanleiki – hugleiðingar sálfræðings Andri Hrafn Sigurðsson skrifar Skoðun Framtíðarsýn í samgöngumálum er mosavaxin Sigurður Páll Jónsson skrifar Skoðun Fimmta iðnbyltingin krefst svara – strax Sigvaldi Einarsson skrifar Skoðun Hefur þú skoðanir? Jóhannes Óli Sveinsson skrifar Skoðun Er hurð bara hurð? Sölvi Breiðfjörð skrifar Skoðun Reykjavíkurmódel á kvennaári Sóley Tómasdóttir skrifar Skoðun Ekki er allt sem sýnist Valerio Gargiulo skrifar Skoðun Sýndu þér umhyggju – Komdu í skimun Ágúst Ingi Ágústsson skrifar Skoðun Eru Bændasamtökin á móti valdeflingu bænda? Ólafur Stephensen skrifar Skoðun Er lægsta verðið alltaf hagstæðast? Karen Ósk Nielsen Björnsdóttir skrifar Skoðun Landbúnaðarrúnk Hlédís Sveinsdóttir skrifar Skoðun Jesús who? Atli Þórðarson skrifar Skoðun Opið bréf til Miðflokksmanna Snorri Másson skrifar Skoðun Lesskilningur eða lesblinda??? Jóhannes Jóhannesson skrifar Skoðun Henti Íslandi undir strætisvagninn Hjörtur J. Guðmundsson skrifar Skoðun Forvarnateymi grunnskóla – góð hugmynd sem má ekki sofna Eydís Ásbjörnsdóttir skrifar Sjá meira
Þegar ég ákvað að fara í framboð þá sá ég fyrir mér að það yrði slegist um að taka viðtöl við mig. Ég yrði nýjasta andlitið í pólitík og allir væru vitlausir í að heyra hvað ég hefði fram að færa. En vitið þið, það er bara alls ekki þannig svo ég ákvað bara að taka viðtal við mig sjálf og út frá þeim vangaveltum og spurningum sem sveima í kringum mig þessa dagana. Bjarni blaðamaður er tilbúningur minn - köllum hann bara BB. BB: Mig langar að byrja á því að spyrja þig, nú er fólk órólegt vegna þess að þið eruð ekki flokkur. Fólk er vant að kjósa flokka en ekki fólk - hvernig getur þú fullvissað kjósendur um að það borgi sig að kjósa ykkur í stað einhvers af flokkunum sem sumir hafa margra áratuga reynslu af samstarfi? Ég : Jú sjáðu til, við erum að svara vilja fólksins um breytingar - fólk talar um að vilja kjósa fólk en ekki flokka og við erum svar við því. Við erum óháð framboð og innan þess er þverskurður einstaklinga úr samfélaginu sem hefur velferð íbúa að leiðarljósi. Þetta er öflugur hópur með mikla reynslu og menntun að baki sem á það sameiginlegt að vilja breytingar í bæjarfélaginu. BB: Já en þið VERÐIÐ að segja kjósendum hvað þið ætlið að gera. Stefnan ykkar er ekki nógu skýr - hver eru ykkar loforð? Ég spyr nú bara eins og sumir, viljið þið skerta þjónustu, draga úr framkvæmdum, banna alla uppbyggingu eða hvað? Ma..ma..ma..maður bara áttar sig ekki alveg á þessu. Ég: Við viljum ekki gefa ykkur innantóm loforð - þið hafið kvartað yfir þeim ekki satt? Auðvitað viljum við ekki skerta þjónustu - HVER vill það? Þetta snýst um vinnubrögð - að valinn sé hópur sem er treyst til að taka ákvarðanir eins og þegar ráðið er í önnur störf. Við höfum sett fram stefnuskrá sem við viljum hafa að leiðarljósi en gerum okkur grein fyrir því að hér þarf að forgangsraða næstu árin, því bærinn er skuldsettur upp fyrir haus. Við viljum setja fólkið í forgang og þá þarf óhjákvæmilega að endurskoða og endurskipuleggja. BB: Það er bara alls ekki nóg - á hverju ætlið þið að byrja og hvað með alla þessa samvinnu? Heldurðu virkilega að það sé möguleiki - samvinna, samstarf, spyrja íbúa og hvað þetta nú allt heitir?. Heldurðu í ALVÖRU að þetta sé hægt? Ég: Já ég held að þetta sé vel hægt, alveg eins og í öllum öðrum vel reknum fyrirtækjum. Þar ræður þú til þín fólk með mismunandi getu, reynslu og hæfileika en þannig hópar vinna oft best saman. Einsleitur hópur kallar oft á fyrirsjáanlegar úrlausnir sem henta ekki heildinni heldur þeim sem hafa eigin hagsmuna að gæta. Fólk talar svo mikið um að það vilji breytingar, margir komnir með upp í kok af átakapólitík, niðurrifi og skemmdarstarfsemi. Hefur þú hlustað á umræður frá alþingi nýlega? Og ef við viljum breytingar, þá langar mig að spyrja HVAÐA breytingar erum við að tala um og hverjir eiga að framkvæma þær? BB: Má ég minna þig á að það er ég sem spyr spurninganna hérna. Gott og vel - en segjum svo að það séu fjórir flokkar (eða ekki flokkar eins og þið) sem geta náð meirihluta. Hvernig sérðu það fyrir þér? Ég: Eins og annars staðar þar sem fólk þarf að sammælast um ákvarðanir. Þú veist að þetta er gert út um allt á hverjum einasta degi og gengur bara ágætlega ef fólk hefur hagsmuni heildarinnar að leiðarljósi. Af hverju ætti ekki hópur af vel gerðu fólki að geta unnið saman - snýst þetta ekki um traust? Snýst þetta virkilega um flokka og áherslur þeirra? Þetta er ástæðan fyrir því að ég er ekki í ákveðnum flokki - ég vil geta tekið upplýsta ákvörðun án þess að upplifa hindrun út frá stefnu flokksins. Í mínum huga er það úrelt sýn. BB: Já gott og blessað, sjáum hvað setur. En að öðru, nú eruð þið greinilega svona frjálsari í kosningabaráttunni en maður á að venjast. Heldurðu að það veki traust hjá almenningi? Ég: Hum skil ekki alveg spurninguna. BB: Jú sjáðu til, þú mætir til að mynda í gallabuxum og strigaskóm í þetta viðtal og svo sá ég mynd af þér á kosningaskrifstofunni um daginn í venjulegum, hvítum bómullarbol. Hvað heldurðu að kjósendum finnist um þetta? Ég: Þú ert vonandi að grínast í mér núna! BB: Nei nei alls ekki. Snýst þetta ekki um traust og virðingu? Ég: Jú einmitt og mælir þú hana í bómull? BB: Ég vil minna þig aftur á að ég spyr spurninganna hér. Ég læt kjósendur um að ákveða um fatnaðinn. En svona eitt að lokum, þið talið um faglega ráðningu á bæjarstjóra. Hef heyrt á fólki að það er ekki alveg sátt við þetta. Einhver utanaðkomandi stimpilklukkustarfsmaður sem hefur ekki sömu tilfinningar gagnvart bænum og einhver héðan. Viljum við ekki einhvern sem er vakandi og sofandi yfir velferð bæjarbúa. Hvað viltu segja við fólk varðandi þetta? Ég: Uh þú veist að núverandi bæjarstjóri er aðfluttur er það ekki? Hann flutti hingað þegar hann tók við starfi bæjarstjóra árið 2002. BB: Æ veistu, ég nenni ekki að tala við þig lengur. Gangi þér vel eða eitthvað!
Skoðun Enn ríkir áhugaleysi um afdrif fósturbarna Guðlaugur Kristmundsson,Sigurgeir B. Þórisson skrifar
Skoðun Áfengi og íþróttir eiga enga samleið – áskorun til þingfulltrúa UMFÍ Árni Guðmundsson skrifar
Skoðun Lífsskoðunarfélagið Farsæld tekur upp slitinn þráð siðmenntunar Svanur Sigurbjörnsson skrifar