Innlent

Dómari úrskurðar fimmmenningana í gæsluvarðhald

Sunna Karen Sigurþórsdóttir skrifar
vísir/vilhelm
Fimmmenningarnir sem grunaðir eru um að hafa nauðgað sextán ára stúlku voru úrskurðaðir í dag í sex daga gæsluvarðhald, eða til 15. maí. Lögregla fór fram á viku gæsluvarðhald í gær en tók dómari sér frest til að taka afstöðu í málinu.

Nokkrir piltanna hafa þegar ákveðið að kæra úrskurðinn til Hæstaréttar.

Mennirnir fimm eru á aldrinum sautján til nítján ára. Fórnarlambið er sextán ára gömul menntaskólastúlka sem kærði nauðgunina síðastliðinn miðvikudag. Atvikið mun hafa átt sér stað í Breiðholti aðfararnótt sunnudags og samkvæmt heimildum fréttastofu þekktust hinir ákærðu og fórnarlambið.

Atvikið var tekið upp á myndband og er það komið í dreifingu á netið. Talið er að einn ákærðu hafi tekið myndbandið upp og sett það í almenna dreifingu.


Tengdar fréttir

Fimm piltar handteknir vegna hópnauðgunar

Fórnarlambið er sextán ára menntaskólastúlka. Dómari í héraðsdómi hefur tekið sér frest til morguns til að ákveða um gæsluvarðhald. Ungu mennirnir eru í haldi lögreglu og verða vistaðir í fangageymslum í nótt.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið