Eins og Vísir greindi frá í morgun hafa Sjálfstæðismenn hafa birt tölur yfir rekstur borgarinnar undanfarin tólf ár og segir Halldór Halldórsson, oddviti þeirra, á facebook síðu sinni: „Þetta er svona einfalt, undir stjórn Sjálfstæðisflokksins er rekstur borgarsjóðs í plús og niðurgreiðsla skulda borgarinnar. Undir stjórn vinstri aflanna er taprekstur og skuldasöfnun.“
En S.Björn Blöndal, aðstoðarmaður Jóns Gnarr og oddviti Bjartrar Framtíðar, sagði meirihlutann ekki vera í vörn. „Við erum satt að segja afskaplega stolt af því sem við höfum gert. Við höfum komist nokkuð vel í gegnum erfiða tíma og erum ekki í neinni varnarstöðu.“
Fundurinn verður í beinni útsendingu hér að neðan og hefst klukkan tvö.
Á vef Reykjavíkurborgar má sjá mælendaskrá og frekari upplýsingar um fundinn.
