Viðskipti innlent

Opið fyrir tilnefningar til Nexpo-verðlaunanna

Almenningi gefst nú kostur á að tilnefna það sem þeim hefur þótt skara fram úr á netinu á síðasta ári. Opnað hefur verið fyrir tilnefningar almennings til Nexpo-vefverðlaunanna á slóðinni  visir.is/nexpo . 

 Allir áhugamenn um netið á Íslandi eru hvattir til að láta í sér heyra en tilnefningarnar eru öllum opnar.

 Hægt er að tilnefna það sem vel er gert í nokkrum flokkum eða þeim öllum. Flokkarnir eru Vefur ársins, Herferð ársins, Bjartasta vonin, Vefhetja ársins, Áhrifamesta fyrirtækið/vörumerkið á samskiptamiðli, App ársins og Óhefbundnar auglýsingar.

Nexpo-verðlaunahátíðin verður haldin í Bíó Paradís klukkan 19 þann 14. febrúar. Dómnefnd mun fara yfir tilnefningar almennings og velja fimm aðila sem fara áfram í sínum flokki. Þegar dómnefnd hefur lokið störfum verður opnað aftur fyrir kosningu hér á Vísi þar sem hægt verður að kjósa á milli þeirra aðila sem dómnefnd valdi.

 Nexpo-verðlaunin eru nú veitt fjórða árið í röð. Sá flokkur sem hefur vakið hvað mesta athygli á verðlaunahátíðinni síðustu ár er vefhetja ársins. Stefán Eiríksson lögreglustjóri fékk verðlaunin fyrir árið 2011 og Jón Gnarr fyrir árið 2012. 

Hér fyrir ofan má sjá myndband frá síðustu verðlaunahátíð með viðtölum við Jón Gnarr og fleiri sigurvegara.

Hægt er að taka þátt og senda inn tilnefningar hér á slóðinni visir.is/nexpo.


Tengdar fréttir

Flick My Life vefsíða ársins - almannatengill tók við verðlaununum

Tæplega sautján þúsund manns tóku þátt í atkvæðagreiðslu á Vísir.is vegna Nexpo-verðlaunanna. Flick My Life var kjörinn vefur ársins með 37 prósentum greiddra atkvæða. Leikur ársins var EVE-online og til gamans má geta að Moogies, nýr íslensku tölvuleikur, var kjörið App ársins.

Jón Gnarr vefhetja ársins á NEXPO

Jón Gnarr, borgarstjóri í Reykjavík, var í gær valinn Vefhetja ársins á NEXPO verðlaununum. Að mati valnefndar hefur Jón sýnt einstakt fordæmi varðandi hegðun og notkun á samfélagsmiðlum og raun umbylt þankagangi heillar þjóðar með Facebook síðu sinni.



Mest lesið


Fleiri fréttir

Sjá meira


×

Mest lesið