Harmageddon

Sannleikurinn: Pizzukvöld yfir The Biggest Loser

Það verður ekki leiðinlegt hjá fjölskyldunni í kvöld en uppáhalds þátturinn og uppáhalds maturinn er á dagskrá.
Það verður ekki leiðinlegt hjá fjölskyldunni í kvöld en uppáhalds þátturinn og uppáhalds maturinn er á dagskrá.
Fjölskylda í Grafarvogi ætlar að hafa það notalegt yfir sjónvarpinu í kvöld en planið er að panta pizzu og horfa saman á The Biggest Loser Ísland sem SkjárEinn frumsýnir í kvöld kl 20:40.

Fjögurra manna fjölskyldan ætlar samkvæmt heimildum fréttastofu að panta hjá Dominos en það skýrist að hluti til á því að eiginmaðurinn er með starfsmannaafslátt hjá fyrirtækinu og svo er Ostagottið, nýtt meðlæti sem hægt er að panta með pizzunum, í miklu uppáhaldi hjá húsmóðurinni á heimilinu sem vonast að fá mikið af hvítlaukssmjöri á það.

Fréttastofa náði tali af Hafþóri Gunnarssyni, fjölskylduföðurnum, eða Haffa eins og hann er alltaf kallaður fyrir utan Hlölla fyrr í dag þar sem hann var að koma úr hádegishléi og var ekki annað að heyra á honum en að hann hlakkaði til kvöldsins og ljúffengu 16 tommu Fiesta pizzunnar með pepp, rjómaosti, ananast, hvítlauk, oregano og sveppum sem hann ætlaði að njóta yfir glæsilegri íslenskri þáttagerð SkjásEins.

The Biggest Loser Íslands er, að sögn SkjásEins og Sagafilm sem framleiðir þættina, það stærsta í íslensku sjónvarpi í ár.

Hann sagði líklegt að konan sín fengi sér Domino´s Surprise eins og venjulega og ef hann ætti að veðja myndu börnin láta sér lynda sitthvora kjötveisluna og miðstærð af hvítlauksbrauði. Ennfremur tjáði hann okkur að hann ætlaði að láta 4 lítra af gosi duga þar sem það verður svo ís á eftir.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem er að blása út.



Velkomin á Vísi. Þessi vefur notar vafrakökur. Sjá nánar.