Viðskiptahallinn í Japan eykst gríðarlega

Viðskiptahalli Japans hefur aldrei verið meiri en hann var í fyrra. Veik staða jensins hefur þarna mikil áhrif en viðskiptahallinn nam 11,5 trilljónum jena, eða 112 milljörðum Bandaríkjadala.

Hallinn jókst um heil sextíu og fimm prósent frá árinu áður. Önnur stór ástæða fyrir vandanum er sú að Japnir hafa þurft að kaupa utanaðkomandi orku í mun meiri mæli en áður eftir að þeir lokuðu öllum kjarnorkuverum sínum í kjölfar hamfaranna í Fukushima kjarnorkuverinu árið 2011.