Starfsmenn Landsbankans fái 161 milljón í arð

Á aðalfundi Landsbankans, sem haldinn var í dag, var tillaga bankaráðs samþykkt um að greiddur verði arður til hluthafa vegna ársins í fyrra sem nemur 0.84 krónum á hlut, sem samsvarar um 70% af hagnaði.

Þá fá starfsmenn Landsbankans sem fengu gefins hlutabréf í bankanum um 161 milljón króna í arð. Arðgreiðslan nemur 20 milljörðum króna.

Hagnaður bankans var 28,8 milljarðar króna. Ríkið á 97,9% hlut í bankanum og fær í sinn hlut tæplega 20 milljarða króna.  Miðað er við hlutaskrá í lok mars 2014 og að útborgunardagur verði 26.mars 2014.

Þetta er í annað skipti sem starfsmenn bankans fá arðgreiðslu en síðasta haust fengu starfsmenn um 50 milljónir króna.