Missti þrjá fingur í flugeldaslysi

Maður sem slasaðist alvarlega í flugeldaslysi á gamlaárskvöld á Selfossi er nú kominn heim af sjúkrahúsi.  

Hann mun hafa misst þrjá fingur annarrar handar alveg og hluta þess fjórða. Þá er hann nokkuð skorinn á hinni hendinni en önnur meiðsl eru minni.

Maðurinn kveðst hafa keypt flugeldinn, sem slysinu olli, hjá einkareknum sölustað í Hafnarfirði og að um hafi verið að ræða s.k. kúlurakettu.  

Hann segist hafa kveikt í rakettunni með venjubundnum hætti, hún hafi farið upp en kúlan sjálf losnað frá og rúllað á jörðinni. 

Hann hafi þá tekið kúluna upp en hún sprungið um leið með fyrrgreindum afleiðingum.

Áfram verður unnið að rannsókn málsins, m.a. með skoðun á sambærilegri vöru.