Fór holu í höggi og varð milljónamæringur

Þú hefur aldrei heyrt minnst á Jeff Barton. Það er ekkert skrítið enda er hann algjörlega óþekktur. Hann er aftur á móti milljónamæringur eftir að hafa farið holu í höggi.

Hann var að leika á styrktarmóti fyrir framhaldsskóla í Nýju-Mexíkó. Eftir mótið var síðan léttur leikur. Slegið af löngu færi og ef einhverjum tækist að fara holu í höggi myndi sá hinn sami fá eina milljón dollara.

Burton þessi gerði sér lítið fyrir og fór holu í höggi og varð um leið milljónamæringur. Öskubuskusaga nútímans.

Myndbandið sem fylgir er tekið af áhorfanda og er ánægjulegt að sjá alla gleðjast með kylfingnum.