Rory ískaldur með Nike-kylfurnar

Nike-félagarnir Tiger Woods og Rory McIlroy fóru ekki vel af stað með Nike-kylfurnar sínar á fyrsta degi Abu Dhabi-meistaramótsins.

Tiger kláraði hringinn á 72 höggum, eða pari, en McIlroy endaði hringinn á 75 höggum. Hann vildi ekki kenna nýju kylfunum um.

"Ég var bara aðeins ryðgaður. Heilt yfir var ég mjög ánægður með kylfurnar. Ég þarf bara aðeins að laga minn leik," sagði McIlroy en þetta er hans fyrsta mót eftir að hann samdi við Nike.

Walesverjinn Jamie Donaldson leiðir eftir fyrsta daginn á fimm höggum undir pari.