67 ára og stelur enn senunni

Kántrísöngkonan Dolly Parton var stórglæsileg í þröngum, rauðum kjól á árlegri hátíð í skemmtigarðinum Dollywood í Tennessee um helgina.

Dolly, 67 ára, stal svo sannarlega senunni og veifaði gestum hátíðarinnar en talið er að þeir hafi verið eitthvað í kringum fimmtíu þúsund talsins.

Dolly er afar ungleg en hún segist hafa litið upp til bæjardræsunnar þegar hún var að alast upp.

“Allar sveitastelpur hafa sína ímynd um hvað glamúr er og margar þeirra fá þá ímynd úr tímaritum eða kvikmyndum. En ég fór ekki í bíó og bjó langt í burtu þannig að mitt lúkk er innblásið af bæjardræsunni. Mér fannst hún svo falleg því hún leit út eins og kvikmyndastjarna í mínum augum. Hún var með mikið, aflitað hár, rauðan varalit, rautt naglalakk og í háum hælum,” segir Dolly.

Dragðu Tarotspil dagsins hér.