Sjáðu vonlausan hrekk Jennifer Aniston

Leikkonan Jennifer Aniston segir unnusta sinn, leikarann Justin Theroux, sífellt vera að fela sig á bak við gluggatjöldin á heimili þeirra í þeim tilgangi að bregða henni.

Þetta viðurkenndi Aniston í sjónvarpsþætti Ellen DeGeneres þar sem hún sagði að sér mistækist ávallt að bregða honum á móti. „Ég er stöðugt stressuð þegar ég kem heim þó að ég viti af honum. Ég ven mig ekki af því.“ Slúðurblöðin hafa undanfarið sagt frá væntanlegu brúðkaupi þeirra skötuhjúa sem á að halda í sumar.

Í tilefni af stöðugum hrekkjum unnustans ákvað Jennifer að reyna að bregða Ellen á sama hátt. Í ljós kom að hún er gjörsamlega vonlaus hrekkjalómur og brá Ellen ekki neitt.

Þennan misheppnaða hrekk Aniston má sjá í spilaranum hér fyrir ofan.