Sameinaðir sprengdu þeir Haukur Viðar Alfreðsson skrifar 30. janúar 2013 12:15 "Leikstjórinn Grímur pakkar efninu smekklega inn og skreytir sögurnar með landslagsmyndum frá svæðinu og því fréttaefni sem til er.“ Bíó. Hvellur. Leikstjórn: Grímur Hákonarson Árið 1970 tóku bændur í Mývatnssveit sig saman og sprengdu upp stíflu í Laxá sem ógnaði lífríki á svæðinu. 113 lýstu verkinu á hendur sér, og í dag er talað um atburðinn sem eins konar upphafspunkt í sögu náttúruverndar á Íslandi. Heimildarmyndin Hvellur segir þessa mögnuðu sögu frá hlið bændanna, en samstaða þeirra, auk innherjaupplýsinga frá skæruliðahreyfingum í Suður-Ameríku, varð til þess að erfitt var að draga einhvern til ábyrgðar. Nú er nægilega langt liðið frá atburðinum til þess að sekir og meðsekir geti sagt söguna með glott á vörum. Enda er margt við þessa sögu bráðfyndið. Ekki er neitt sérlega mikið til af myndefni frá þessari deilu, en harðmæltir og frásagnarglaðir viðmælendur brúa það bil í nýlegum viðtölum. Flestir voru þeir viðstaddir sprenginguna, eða eru að öðru leyti tengdir atburðarásinni. Eins og ávallt þegar hlustað er á góða sögumenn fer áhorfandinn að myndskreyta frásagnirnar í huganum, svo eftir stendur mun meira „myndefni" en í raun og veru er í myndinni. Leikstjórinn Grímur pakkar efninu smekklega inn og skreytir sögurnar með landslagsmyndum frá svæðinu og því fréttaefni sem til er. Þetta gerir hann afar vel en hann er fyrir löngu orðinn einn af okkar allra fremstu heimildarmyndagerðarmönnum. Falleg tónlist Valgeirs Sigurðssonar stingur þó eilítið í stúf, og passar á köflum illa við glaðhlakkalegt myndefnið. Það er dramatík í sögunni um stíflusprengjuna, en kannski ekki alveg svona mikil.Niðurstaða: Þrælskemmtileg og fróðleg mynd um stórmerkilegan atburð.HVELLUR from Ground Control Productions on Vimeo. Gagnrýni Mest lesið Fullkominn brúðkaupsdagur í frönskum kastala Lífið „Fötlun fyrir marga að vera með lítið typpi“ Lífið Play gjaldþrota: Hvað geta Laufey og Viagra kennt okkur? Lífið Ghost of Yōtei: Einhver heimsins fallegasti leikur og skemmtilegur líka Leikjavísir Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Karen og Hjalti orðin tveggja barna foreldrar Lífið László Krasznahorkai hlýtur bókmenntaverðlaun Nóbels Menning Bein útsending: Hver hlýtur bókmenntaverðlaun Nóbels? Menning Maður geti þurft að díla við „konu sem er á túr“ og í vondu skapi Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bíó. Hvellur. Leikstjórn: Grímur Hákonarson Árið 1970 tóku bændur í Mývatnssveit sig saman og sprengdu upp stíflu í Laxá sem ógnaði lífríki á svæðinu. 113 lýstu verkinu á hendur sér, og í dag er talað um atburðinn sem eins konar upphafspunkt í sögu náttúruverndar á Íslandi. Heimildarmyndin Hvellur segir þessa mögnuðu sögu frá hlið bændanna, en samstaða þeirra, auk innherjaupplýsinga frá skæruliðahreyfingum í Suður-Ameríku, varð til þess að erfitt var að draga einhvern til ábyrgðar. Nú er nægilega langt liðið frá atburðinum til þess að sekir og meðsekir geti sagt söguna með glott á vörum. Enda er margt við þessa sögu bráðfyndið. Ekki er neitt sérlega mikið til af myndefni frá þessari deilu, en harðmæltir og frásagnarglaðir viðmælendur brúa það bil í nýlegum viðtölum. Flestir voru þeir viðstaddir sprenginguna, eða eru að öðru leyti tengdir atburðarásinni. Eins og ávallt þegar hlustað er á góða sögumenn fer áhorfandinn að myndskreyta frásagnirnar í huganum, svo eftir stendur mun meira „myndefni" en í raun og veru er í myndinni. Leikstjórinn Grímur pakkar efninu smekklega inn og skreytir sögurnar með landslagsmyndum frá svæðinu og því fréttaefni sem til er. Þetta gerir hann afar vel en hann er fyrir löngu orðinn einn af okkar allra fremstu heimildarmyndagerðarmönnum. Falleg tónlist Valgeirs Sigurðssonar stingur þó eilítið í stúf, og passar á köflum illa við glaðhlakkalegt myndefnið. Það er dramatík í sögunni um stíflusprengjuna, en kannski ekki alveg svona mikil.Niðurstaða: Þrælskemmtileg og fróðleg mynd um stórmerkilegan atburð.HVELLUR from Ground Control Productions on Vimeo.
Gagnrýni Mest lesið Fullkominn brúðkaupsdagur í frönskum kastala Lífið „Fötlun fyrir marga að vera með lítið typpi“ Lífið Play gjaldþrota: Hvað geta Laufey og Viagra kennt okkur? Lífið Ghost of Yōtei: Einhver heimsins fallegasti leikur og skemmtilegur líka Leikjavísir Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Karen og Hjalti orðin tveggja barna foreldrar Lífið László Krasznahorkai hlýtur bókmenntaverðlaun Nóbels Menning Bein útsending: Hver hlýtur bókmenntaverðlaun Nóbels? Menning Maður geti þurft að díla við „konu sem er á túr“ og í vondu skapi Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira