Tengdó vill ekki sjá Rihönnu

Clinton, faðir tónlistarmannsins Chris Brown, bað Chris um að halda sig frá tónlistarkonunni Rihönnu þegar fyrrnefndur Chris gekk í skrokk á henni árið 2009.

Clinton hefur ekki skipt um skoðun eftir að þau byrjuðu aftur saman fyrir stuttu þó parið virðist afar hamingjusamt saman.

“Ég vildi ekki að hann og Rihanna byrjuðu aftur saman því þau eru bæði svo mikil fiðrildi. Það er ekkert jafnvægi. Það þarf að vera jafnvægi í sambandi. Annar aðilinn þarf að vera hvatvísari og hinn þarf að vera jarðbundnari,” segir Clinton í viðtali við The Sun. Hann segist þó gera sér grein fyrir því að hann geti ekki stíað þeim í sundur en vonar að þau hætti saman aftur.

Dragðu Tarotspil dagsins hér.