Þjálfari Steelers sektaður um 12 milljónir

Forráðamenn NFL-deildarinnar eru lítið fyrir fíflalæti og því hefur Mike Tomlin, þjálfari Pittsburgh Steelers, nú fengið að kynnast.

Í leik Pittsburgh og Baltimore síðasta fimmtudag var Tomlin næstum búinn að fella Jacoby Jones, leikmann Baltimore.

Sá kom á hörkuskeiði upp kantinn og sá Tomlin standa næstum inn á vellinum og í raun allt of langt frá línunni. Tomlin skaut sér svo í burtu rétt áður en hann vissi vel hvað hann væri að gera.

Tomlin hefur nú verið sektaður um rúmar 12 milljónir króna fyrir hegðun sína. Deildin íhugar einnig að taka valrétt af félaginu. Í skásta falli myndi valréttur Steelers falla niður um nokkrar umferðir.