Sérmerktar gæðavetrarúlpur

Batik hefur yfir að ráða glæsilegu úrvali af úlpum og jökkum frá þýska gæðaframleiðandanum James & Nicholson. Fyrirtækið býr að áratuga reynslu í sérsaumi á merkingu með ísaumi, silkiprenti eða endurskini í flíkur.

„Við bjóðum breiða línu fallegra yfirhafna frá þýska gæðaframleiðandanum James & Nicholson, en frá honum kemur sennilega fjölbreyttasta úrval yfirhafna sem þekkist frá einum og sama framleiðandanum,“ segir Elías Sigurðsson, sölu- og markaðsstjóri hjá Batik ehf.

Batik býður upp á glæsilegt úrval lífsstílsfatnaðar fyrir athafnasamt fólk, hvort sem það er til vinnu eða leiks; úti eða inni.

„Allar yfirhafnir James & Nicholson fást í stærðunum small upp í 3XL og fást bæði í herra- og dömusniði. Úrvalið er allt frá léttum „softshell“-jökkum upp í hlýjar og þykkar „parka“-úlpur. Hægt er að velja um allt að 35 liti af sömu flíkinni og úrvalið er nær endalaust þegar kemur að ólíku sniði og útliti,“ upplýsir Elías.

Batik hefur áratuga reynslu í merkingum á fatnaði, ísaumi og silkiprenti, sem þýðir að viðskiptavinir geta fengið úlpur sínar sérmerktar með nöfnum eða merkjum að eigin ósk.

„Yfirhafnir James & Nicholson eru ómerktar og það kunna margir vel að meta. Það er sérstaklega vinsælt meðal fyrirtækja og félagasamtaka sem vilja síður láta áberandi vörumerki skyggja á merki fyrirtækisins. Möguleikar í merkingu eru ótæmandi,“ segir Elías.

Batik er með verslun og sýningarsal að Bíldshöfða 16. Skoðið vöruúrvalið á batik.is.