Nýtt app sparar 500 vinnustundir á ári

Advania hefur hannað öpp sem nýtast fyrirtækjum og stofnunum við að ná hagræða í rekstri og starfsemi.

Jón Heiðar Þorsteinsson, markaðsfulltrúi Advania segir að hagræðingin felist í minna pappírsvafstri, með appinu verði tvískráning óþörf og það leiði af sér að villuhætta við skráningu sé minni.

Appið er ætlað vinnustöðum sem þurfa að skrá niður upplýsingar á vettvangi.

Sem dæmi nefnir hann að Byggingarfélags námsmanna (BN) byrjaði að nýta app við úttekt á leiguíbúðum. BN telji að með appinu verði vinnusparnaður félagsins um 500 klukkustundir á ári eftir að appið hefur verið tekið í notkun.

BN er með um 500 íbúðir í útleigu og um 200 nýir leigutakar koma inn  á hverju ári. Við slík íbúðaskipti fara umsjónarmenn félagsins yfir íbúðina þegar henni er skilað áður en nýr leigutaki tekur við.

Áður en appið var tekið í notkun þurfti að skrá allar upplýsingar um íbúðirnar á pappír og sem þurfti svo að skrá inn. Hverri íbúð fylgdi mikið vafstur og margar skjalamöppur. Nú er hægt að skrá allar upplýsingar beint inn á appið sem geymir upplýsingarnar. Hann segir þetta einfalda allt utanumhald mjög mikið.

Föstudaginn 29. nóvember  heldur Advania morgunverðarfund í höfuðstöðvum sínum að Guðrúnartúni 10. Þar verður fjallað um lausnir fyrir snjallsíma og spjaldtölvur með áherslu á reynslu og ávinning þeirra fyrirtækja sem hafa tekið slíkar lausnir í notkun.

Einnig verður rætt um hvað er framundan í þessu fagi og hvernig skuli innleiða slíkar lausnir.