Árnar streyma inni í sölukerfið

Veiðisvæðin streyma nú inn á sölukerfi Stangaveiðifélags Akureyrar. Guðrún Una Jónsdóttir formaður kastaði til okkar línu.

"Árnar steyma inná svak.is nú síðast í dag komu Svarfaðardalsá og Hofsá í Skagafirði. Stjórn SVAK gerði nýlega nýjan endurbættan samning við veiðifélag Hofsár þar sem veiðitíma var breytt og nú byrjar veiðitíminn þar 15. júlí. Þá verða stangirnar seldar stakar en ekki  þrjár í pakka eins og verið hefur. Veiðihús verður ekki í boði á vegum SVAK en bent er á hentuga gistimöguleika," segir Guðrún Una.

Áfram segir Guðrún Una frá því að nýlega hafi Ármann Helgi Guðmundsson verið með kynningu um Hofsá.

"Þetta veiðisvæði á sér þó nokkurn hóp aðdáenda enda ekki skrýtið því þarna er urmull af flottum veiðistöðum og hægt að krækja í fallega sjóbleikju. Ef hlýtt er í veðri skolast Hofsáin sjálf þs jökull kemur úr lítilli hliðará sem kölluð er Fossá. Á slíkum dögum er hægt að rölta uppí Runukvísl sem alltaf er tær og falleg og vinsælt að fara alveg upp að Runufossi þar sem bleikjan bunkast upp."

Þetta hljómar ekki illa og formaðurinn heldur áfram:

"Svarfaðardalsáin er einnig góð sjóbleikjuá og talsvert veiðist af urriða og sjóbirtingi lika. Ánni er skipt í fiimm veiðisvæði og opna þau öll 1.júní.

Vetrarstarfið er áfram í fullum gangi og á að kynna Fjarðará í Hvalvatnsfirði og Fnjóská fljótlega í samvinnu við veiðifélagið Flúðir.

Hörgáin kom inná söluvefinn fyrir nokkru en þar hefst veiðitíminn á svæði 1 og 2 í ár 1.maí í stað 20 maí og ber að sleppa öllum fiski fram að 20.maí.

Þá er Fjarðará í Hvalvatsfirði komin á söluvef SVAK. Þar er gott að fara og njóta kyrrðar og fallegrar náttúru og veiða flotta sjóbleikju.

Þá komu svæðin Hraun og Syðra-Fjall inná söluvef SVAK fyrir skömmu en þetta eru með fallegustu urriðasvæðum landsins.

Ólafsfjarðará fór í almenna sölu 1.apríl síðastliðinn. Enn er talsvert laust af dögum seinni hluta ágúst og í september."

Þannig hljómar pistill formanns Stangaveiðifélags Akureyrar.