Tíu einstaklingar ákærðir fyrir vændiskaup í héraðsdómi

Tíu meintir vændiskaupendur mæta í Héraðsdóm Reykjaness klukkan tíu þar sem mál gegn þeim verður þingfest.

Nöfn sakborninganna eru ekki birt á dagskrá héraðsdóms heldur kemur aðeins fram að kynferðisbrot gegn tíu einstaklingum, sem eru kallaði "A", verði þingfest.

Samkvæmt upplýsingum fréttastofu snúast öll málin um kaup á vændi og eru hluti af málum sem bárust Ríkissaksóknara frá lögreglunni á höfuðborgarsvæðinu í sumar.

Alls voru 86 mál meintra kaupenda send ákæruvaldinu, og snérust þau meira og minna um kaup á vændi af tveimur konum.

Ekki er ljóst hvort að fleiri ákærur, en þessar tíu sem verða þingfestar í dag, bárust Ríkissaksóknara.