Hannes snýr aftur til Íslenskrar erfðagreiningar

Hannes Smárason hefur verið ráðinn forstjóri sprotafyrirtækisins NextCode Health sem er í eigu Íslenskrar erfðagreiningar. Fyrirtækið mun markaðssetja sjúkdómsgreiningu byggða á rannsóknum ÍE til lækna og sjúkrahúsa í Bandaríkjunum. Viðskiptablaðið greinir frá þessu.

Segja má að Hannes sé að snúa aftur á heimaslóðir en hann var aðstoðarforstjóri ÍE um átta ára skeið, á árunum 1996 til 2004. Hann tók svo við sem forstjóri FL Group haustið 2005 en hætti störfum rétt fyrir jólin 2007.

Kári Stefánsson, forstjóri ÍE, segir í samtali við Viðskiptablaðið að Hannes sé búinn að vera í sóttkví í sex ár og nýta þurfi þekkinguna sem hann hafi yfir að búa.