Hvíta húsið fékk flesta Lúðra

Auglýsingastofan Hvíta húsið fékk flest verðlaun á hinni árlegu afhendingu Íslensku auglýsingaverðlaunanna, Lúðurinn. Næst á eftir var Íslenska með fjóra lúðra og Fítón með tvo. Lúðurinn er veittur í 15 flokkum þar sem auglýsingar sem skara fram úr á árinu 2012 eru verðlaunaðar. Það sem ræður úrslitum er hversu frumleg, snjöll og skapandi hugmyndin er og svo hversu vel hún er útfærð.

Hvíta húsið hlaut verðlaun fyrir bestu auglýsingaherferðina, „Tengjum saman jólin," sem unnin var fyrir Vodafone. Í herferðinni fékk auglýsingastofan heilt bæjarfélag á Drangsnesi í lið með sér til að sýna notkunarmöguleika snjalltækja og hvernig tæknin tengir fjölskyldur saman um jólin.

Fítón hlaut Áruna, verðlaun sem veitt eru fyrir framúrskarandi árangur auglýsingaherferðarinnar „Nýjar áherslur Domino´s 2012" sem var unnið fyrir Pizza, pizza. Í herferðinni var nýtt snjallsímaforrit (app) Dominos sett í loftið sem vakið hefur mikla lukku.

Besta auglýsingin í flokki kvikmyndaða auglýsinga var auglýsingin „Lifandi tónlist" frá Jónsson og Le'Macks sem þeir unnu fyrir Sinfóníuhljómsveit Íslands en markmið var að tengja við yngra fólk og vekja áhuga þeirra á klassískri tónlist.

Besta auglýsingin í flokkunum Viðburðir og Stafrænir auglýsingar - Samfélagsmiðlar vann „Eldhús - Litla matarhúsið" sem unnið var af Íslensku fyrir Íslandsstofu í báðum flokkum. Þar var verið að kynna íslenskar matarhefðir með því að lítið rautt hús var keyrt um Ísland og ferðamönnum boðið í mat. Sama auglýsing vann síðan aftur til verðluna í flokknum Viðburðir og í flokknum Stafrænir auglýsingar - Samfélagsmiðlar. Þar var verið að kynna íslenskar matarhefðir með því að lítið rautt hús var keyrt um Ísland og ferðamönnum boðið í mat.

Besta auglýsingin í flokknum almannaheillaauglýsingar fyrir ljósvakamiðla var „Og það varst þú." Auglýsingin var gerð af Fíton fyrir Á allra vörum en tilgangur auglýsingarinnar var að fá landsmenn til að taka þátt í landssöfnun og styrkja börn með ólæknandi sjúkdóma.