Sjö þúsund tíst send inn á Boladegi

Klukkan 14 höfðu ríflega þúsund manns sent tæplega sjö þúsund tíst inn á samskiptasíðuna Twitter með merkingunni #boladagur. Eins og fram kom á Vísi í morgun snýst dagurinn að mestu leyti um það að Íslendingar senda erlendum stórstjörnum skilaboð á Twitter og biðja þá um að svara.

Svo virðist vera sem fólk hafi verið búið að bíða spennt eftir deginum því 1.000 tíst bárust fyrsta klukkutímann en það gera tíst á um 3 sekúndna fresti. Geri aðrir betur. Á síðasta ári voru send inn 9.000 tíst og ljóst það verður toppað með miklum stæl í ár. Búist er við miklum fjölda á lokasprettinum í kvöld.

Af þeim stórstjörnum sem hafa fengið kveðjur frá Íslendingum má nefna körfuboltamennina Mugsy Bogues og Dennis Rodman, Barack Obama, forseta Bandaríkjanna, Dalai Lama, andlegan leiðtoga Tíbeta, og leikararnir Jerry Seinfeld, Jason Alexander og Russel Crowe. Þeir tveir síðastnefndu hafa reyndar endurbirt færslurnar.

Vefsíða dagsins er boladagur.is og skrifa aðstandendur þar fréttir um framvindu mála. Hér fyrir neðan má síðan sjá nýjustu tístin merkt #boladagur á Twitter.