McIlroy er að spila vel í Kóreu

Norður-Írinn Rory McIlroy virðist vera að vakna til lífsins á nýjan leik en hann er að spila vel á opna kóreska mótinu.

Eftir tvo hringi er McIlroy á þrem höggum undir pari og tveim höggum á eftir efsta manni.

"Upphafshöggin mín eru góð og ég hef einnig fundið mig vel með járnin. Mér líður vel," sagði McIlroy en hann hefur verið heillum horfin í allt ár.

Þetta mót er ekki sterkasta mót sem McIlroy hefur tekið þátt í en engu að síður myndi það gefa honum sjálfstraust að leika heilt mót vel. Það hefur gerst sjaldan síðustu mánuði.