Harmageddon

Samdi Can´t Walk Away í fangelsi

Ómar Úlfur skrifar
Herbert Guðmundsson
Herbert Guðmundsson
Herbert Guðmundsson er þessa dagana að halda uppá fjörutíu ára starfsafmæli í poppinu.

Í tilefni tímamótanna kemur í vikunni út safndiskurinn flakkað um ferilinn þar sem að öll helstu lögin eru saman komin. Með disknum fylgir DVD diskur með myndböndum meðal annars með hljómsveitinni Eik úr sjónvarpssal sem hafa ekki sést síðan að þau voru sýnd í sjónvarpinu árið 1975.

Herbert byrjaði sextán ára að syngja með hljómsveitinni Tilveru sem spilaði framsækið hipparokk. Sveitin lék víða um land fyrir kjaftfullu húsi og spiluðu lög eftir Led Zeppelin og Free og fleiri sveitir þess tíma. Tilvera spilaði einfaldlega lög sem að fólk vildi heyra að sögn Herberts. Á þessum tíma var ekki öll þessi afþreying í boði eins og í dag þar sem allir eru í tölvum. Fólk mætti bara í stuðið. Nokkrum árum eftir Tilveru gekk Herbert til liðs við hljómsveitina Eik. Um tíma spiluðu þeir félagar frá mánudegi til fimmtudags í Röðli og æfðu daglega í þrjá til fimm klukkutíma í senn. Spilamennskan varð gríðarlega þétt og röddin komst í hörkuform segir Herbert dreyminn.

Nýskilinn flutti Herbert vestur og gekk í hljómsveitina Kan sem að hann tók í gegn að eigin sögn. Sveitin safnaði í plötusjóð og gaf út plötuna í ræktinni 1984. Árið 1985 sló Herbert endanlega í gegn með plötunni Dawn Of The Human Revolution og ofursmellinum Can´t Walk Away. Smellurinn sívinsæli var saminn á kassagítar í klefa sex í Hegningarhúsinu. Herbert sat þar í gæsluvarðhaldi vegna smygls. Herbert mætir reglulega í fangelsið og tekur lagið fyrir fangana og er alltaf beðinn um smellinn góða.

Fyrsta platan sem að Herbert eignast? Rubber Soul með The Beatles. Hann man enn eftir lyktinni og áferðinni á plötunni.

Fyrstu tónleikar? Led Zeppelin í Laugardalshöll 1970. Æðislegir tónleikar segir Herbert og syngur riffið úr Whole Lotta Love.

Fyrsta lagið sem að Herbert féll fyrir? Please Please Me með The Beatles og öll fyrsta plata Led Zeppelin.

Uppáhalds texti? Herbert vill að lög séu björt og jákvæð. Hann heldur mikið uppá textann við eurovision lagið Elíf ást sem að hann sendi í keppnina 2012. Hann segist alltaf vera að leita að innblæstri og er þessa dagana að lesa verk Einars Ben til að finna góða og kjarnyrta íslensku.

Hvað fílar Herbert í dag? Herbert er hrifinn af melódíu og flottum hljóðheim og nefnir hljómsveitina Keane. Lagið Safe & Sound með Capital Cities er í uppáhaldi þessa dagana.

Uppáhalds kvikmynd? Herbert er lítill bíómaður og það er helst að unnustan velji eitthvað til að horfa á. Scindler´s List og the Pianist eru þó myndir sem að Herbert heldur mikið uppá.

Átrúnaðargoð Herberts? Er Paul Rodgers úr Free.

Viðtalið má heyra hér fyrir ofan og fyrir neðan okkur er myndbandið við lagið Our Lives af safnplötunni Flakkað um ferilinn.






Velkomin á Vísi. Þessi vefur notar vafrakökur. Sjá nánar.