Harmageddon

Sannleikurinn: Þetta hefði getað verið ég sem missti vinnuna í dag

Andri Þór Sturluson skrifar
Rétt slapp við niðurskurðarhnífinn.
Rétt slapp við niðurskurðarhnífinn.
Starfsmenn RÚV sem misstu vinnuna í dag voru boðaðir einn og einn í senn uppá 5. hæð til að taka á móti jólagjöfinni sinni í ár frá útvarpstjóra.

Einn starfsmaður RÚV sem ekki var sagt upp segir að dagurinn hafi verið gríðarlega erfiður fyrir alla en það var óvissan um hvort maður héldi starfinu eða yrði kallaðu upp til föður síns til að taka á móti uppsagnarbréfi sínu sem var verst.

Edda Sif Pálsdóttir, íþróttafréttamaður á RÚV og dóttir Páls Magnússonar útvarpstjóra, segir að andrúmsloftið á fréttastofunni hefði verið „lamað“.

„Einn af öðrum voru starfsmennirnir kallaðir upp og maður beið milli vonar og ótta eftir því hvort nafnið manns kæmi næst,“ segir Edda sem slapp blessunarlega frá niðurskurðinum vegna hæfni sinnar.



Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu  já, við erum svona mikil fífl.






Velkomin á Vísi. Þessi vefur notar vafrakökur. Sjá nánar.