Harmageddon

Margir miðlar staðfesta að skítugt fólk sé hættulegt

Frosti Logason skrifa
Mundir þú treysta þessu fólki fyrir börnunum þínum?
Mundir þú treysta þessu fólki fyrir börnunum þínum?

Íslenska þjóðin er slegin óhug eftir frásögn ungrar konu á Facebook, Elfu Þorsteinsdóttur, en þar greindi hún nýverið frá hræðilegri lífsreynslu sem hún og fjölskylda hennar urðu fyrir á Spáni í fyrra.

Elfa er viss um að þar hafi verndarenglar, sem fylgdust með fjölskyldunni þennan dag, bjargað börnum hennar á síðustu stundu úr klóm harðsvíraðs glæpafólks sem ætlaði að ræna þeim, dópa upp og selja í þrælkun og barnavændi.

Þetta veit Elfa vegna þess að fólkið var skítugt og öðruvísi en allt hitt fólkið á annars fallegri smábátahöfn í strandbænum Marbella þennan dag.

Ef það er ekki nóg til að sannfæra ykkur, þá hefur Elfa einnig fengið sterka staðfestingu, frá nokkrum mismunandi miðlum, um að þarna hafi verið vel vakað yfir þeim og að þetta fólk hafi einmitt haft það í huga að koma börnunum í burtu.

Elfa hvetur fólk til þess að nýta sér þessa hræðilegu reynslu fjölskyldunnar sem víti til varnaðar og hvetur Íslendinga til þess að passa vel upp á börnin sín á ferðalögum erlendis.

Já kæru Íslendingar, við skulum gæta þess að börnin okkar séu ekki að blanda geði við fólk sem er öðruvísi en við. Það getur reynst stórhættulegt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.