Harmageddon

Sagan af Jesú Kristi bara uppspuni eftir allt saman

Frosti Logason skrifar
Bandarískur biblíufræðimaður, Joseph Atwill, segist hafa uppgötvað gögn sem sanni að öll saga Jesú Krists, frelsarans frá Nasaret, sé uppspuni frá rótum.

Atwill segir að kristindómurinn hafi upprunalega ekki verið hugsaður sem trúarbrögð heldur hafi hann átt upptök sín í flókinni áróðursbrellu sem sett var fram til þess að friðþægja þegna Rómarríkis.

Hann segist hafa byrjað að taka eftir ákveðnu mynstri í gögnum sem hann rannsakað frá fyrstu aldar Júdeu sem sýndu fram á áberandi hliðstæður með ákveðnum rómsverskum keisara og Jesú Kristi í Nýja testamentinu. Þegar málið var skoðað nánar segist hann svo hafa uppgötvað sannanir fyrir því að um úthugsaða áróðursbrellu var að ræða.

Atwill, sem segist ætla að sanna mál sitt á ráðstefnu í London þann 19. október næstkomandi,  fullyrðir að hann hafi fundið í gögnunum játningar rómsverskra aristókrata sem höfðu skáldað upp ævisögu Jesús til þess að hafa bein áhrif á hegðan fólks.

Með slíkri sögu fölsun hafi þeir til dæmis fengið þræla til þess að trúa því að þrældómur þeirra hafi viðgengist með blessun Guðs, en það er einmitt lögð rík áhersla á réttlætingu þrælahalds í bæði Biblíunni og Nýja testamentinu, sem hefur reyndar alltaf verið mjög undarlegt í ljósi þess að textinn átti að hafa verið innblásinn af alvitrum skapara himins og jarðar.








×