Harmageddon

Sannleikurinn: Sminkurnar á Stöð 2 að gefast upp á Loga Bergmann

Andri Þór Sturluson skrifar
Það þarf 3 kíló af sminki bara til að þetta sé boðlegt.
Það þarf 3 kíló af sminki bara til að þetta sé boðlegt.
Mikil ólga er meðal förðunarfræðinga Stöðvar 2 en þeir hafa kvartað sáran undanfarið yfir því hve langan tíma tekur að sminka Loga Bergmann, fréttamann og spjallþáttastjórnanda, fyrir útsendingar.

Segja þær starfið vera orðið of erfitt og ákaflega tímafrekt er að gera Loga útsendingarhæfan eftir því sem árin færast yfir hann. Logi Bergmann eða Logi í Beinni eins og hann er stundum kallaður hefur starfað sem sjónvarpsfréttamaður síðan sjónvarpsútsendingar hófust á landinu en hann hóf ferilinn sem íþróttafréttamaður á byrjunarárum RÚV. Nú þegar hann nálgast sextugt eiga förðunarfræðingarnir eða sminkurnar í bölvuðu basli með að yngja hann upp í þann Loga sem við sjáum og þekkjum af skjánum.

„Suma daga, þegar Logi er sem verstur, þurfum við að byrja á hádegi til að hann sé tilbúinn fyrir fréttatímann um kvöldið. Stundum erum við tvær, þrjár að sminka hann fyrir Loga í Beinni því hann mætti of seint, enda farinn að gleyma. Við höfum talað við yfirmenn okkar og látið þá vita að þetta gengur ekki mikið lengur. Það er kominn tími til að setja hann á heimili eða eitthvað,“ sagði starfsfólk okkur þegar við töluðum við það fyrr í dag.

Þegar menn hafa verið eins lengi og Logi í sjónvarpi er þeim ekki skipt út auðveldlega. Fólkið heima hefur vanist þeim, alist upp með þeim og margir líta á þá eins og gamla stólinn í stofunni sem maður vill ekki að henda því amma átti hann.

Oft hefur þó komið í tal hver geti tekið við af einum ástsælasta sjónvarpsmanni þjóðarinnar. Flestir eru á því að ef á að skipta út gamla graðhestinum fyrir yngri fola þá verði ekki litið framhjá Auðunni Blöndal, þáttastjórnanda, enda er hann nógu líkur Loga til að geta verið barnabarn hans.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu  en hún er komin til ára sinna.






Velkomin á Vísi. Þessi vefur notar vafrakökur. Sjá nánar.