Jón Jónsson segist stefna á Skandinavíu í boltanum og er hættur í tónlist

Knattspyrnumennirnir Björn Daníel Sverrisson og Jón Jónsson úr FH voru í miklu stuði þegar þeir heimsóttu Frosta og Mána í útvarpsþættinum Harmageddon í dag.

Hægt er að hlusta á viðtalið hér að ofan.

Strákarnir eiga leik í Evrópudeildinni við belgíska liðið Genk í Krikanum á fimmtudaginn og eru fullir tilhlökkunar. Þeir hafa litlar áhyggjur af því auka álagi sem fylgir því að spila í mörgum keppnum á sama tíma og tala um líf knattspyrnumanna í FH sem hálfgert rokkstjörnulíf.

Strákarnir fara lofsamlegu orðum um magnesíum olíur og próteindrykki sem þeir fá nóg af í Kaplakrika.

Í viðtalinu kemur fram að Jón Jónsson stefni á atvinnumennsku í Skandinavíu og að hann sé hættur í tónlistinni. Hversu mikið mark er á því takandi virðist þó óljóst, en Jón var sem fyrr segir í miklu stuði á X-inu í dag.