Einar Hólmgeirs æfir með Stjörnunni

Handknattleikskappinn Einar Hólmgeirsson æfir þessa daga með 1. deildarliði Stjörnunnar. Hann stefnir á að spila með þeim í vetur.

Einar æfir tvisvar til þrisvar í viku með Garðabæjarliðinu og stefnir á að spila með liðinu í 1. deild að því er Morgunblaðið hefur eftir honum í morgun. Hann geti þannig stjórnað álaginu og hann langi til að gera liðinu gagn í vetur.

Einar hefur glímt við erfið meiðsli undanfarin ár og ekki getað spilað. Hann hefur því verið á tryggingabótum sem leyfa honum ekki að spila í efstu deild. Einar er uppalinn hjá ÍR en spilaði sem atvinnumaður í mörg ár í Þýskalandi hjá liðum á borð við Grosswallstadt og Flensburg.