Á morfíni á brúðkaupsafmælinu

„Ég var bara á æfingu og fékk svona heiftarlegt tak í bakið," segir Sigmar Vilhjálmsson, annar eiganda Hamborgarafabrikunnar.

Sigmar fór á æfingu í World Class í Laugum í morgun og var fluttur með sjúkrabíl út úr líkamsræktarsalnum. „Ég stóð ekki í fæturna og því var ekkert annað að gera en að kalla á sjúkrabíl.“

Sigmar og eiginkona hans eiga átta ára brúðkaupsafmæli í dag og segist hann ekki hafa átt von á því að vera upp á spítala á honum.

„Ég er núna staddur á Borgarspítalanum og það var verið að dúndra í mig morfíni, ætli það verði ekki rómantískur kvöldverður í kvöld,“ segir hann og hlær duglega.