Fyrsti lax sumarsins kominn

"Óhætt er að segja að laxveiðitímabilið hafi byrjað með hvelli," sagði Trausti Hafliðason blaðamaður Fréttablaðsins, en hann var staddur í Norðurá í morgun til að fylgjast með opnun árinnar.

Að venju er það stjórn Stangveðifélags Reykjavíkur sem ræsir laxveiðitímabilið formlega í Norðurá. Bjarni Júlísson formaður Stangveiðfélagsins fékk 1. lax sumarsins í þriðja kasti. Þetta var falleg 73 sentímetra hrygna sem Bjarni fékk; langur og mjósleginn fiskur. Í samanburði við í fyrra þá var fiskurinn sá frekar feitur og pattaralegur en Bjarni sagðist ekki lesa neitt sérstakt í það, í sjálfu sér.

Bjarni sagði, af þessu tilefni, þetta svo sannarlega gefa tilefni til bjartsýni - að þetta viti á gott fyrir sumarið. Ekki veitir af því síðasta laxveiðisumar var líklega það lélegasta í nánast öld, í það minnsta frá 1930.

Menn voru sáttir við Norðurá þar sem var töluvert mikið um fólk; allir helstu fjölmiðlar landsins og laxveiðiáhugamenn voru mættir til að fylgjast með þessum viðburði. "Menn eru hér mjög kátir," segir Trausti. "Laxinn tók rauðan Frances-túpu, Black Eyed Prawn nánar tiltekið."