Markvörðurinn var hjartveikur

Staðfest hefur verið að Ivan Turina markvörður sænska knattspyrnuliðsins AIK, sem fannst látinn í rúmi sínu í morgun, hafi verið hjartveikur. Þetta kemur fram í Aftonbladet.

Stjórnarformaður AIK, Johan Segui, fékk símtal frá nágranna Segui klukkan 6 í morgun að staðartíma. „Ég vissi um leið að þetta væri ekkert venjulegt símtal,“ sagði Segui sem fékk þau tíðindi að Turina væri látinn.

Lögregla var kölluð til klukkan hálf átta og var send að heimili Turina. Ekki liggur ljóst fyrir hver dánarorsök Turina var en flest bendir til þess að hann hafi fengið hjartaáfall.

Áfallahjálparteymi hefur verið sent á æfingasvæði AIK liðsins og sömuleiðis að heimili Turina í Solna.