Kynna leyndardóma Þingvallavatns

Það styttist óðum í opnun Þingvallavatns. Af því tilefni verður Stangaveiðifélag Reykjavíkur með kynningu á leyndardómum þessa magnaða veiðivatns. Kynningin fer fram í húsakynnum Stangaveiðifélagsins í Elliðaárdal, nánar tiltekið við Rafstöðvarveg 14, og hefst hún klukkan 19.30 á morgun.

Veiði í Þingvallavatni hefst þann 1. maí. Á Facebook-síðu SVFR segir að Einar Guðnason, hjá Fluguveiðiskólanum Veiðiheimi, mun fara yfir veiðisvæði og kynna veiðiaðferðir sem dugi.

Einar mun einnig kynna þær flugur sem hafa reynst hvað best, fara yfir það hversu langan taum veiðimenn eigi að nota og sýna hvernig gott er að haga veiðum miðað við mismunandi aðstæður.

trausti@frettabladid.is