Penélope Cruz andlit Lindex

Leikkonan Penélope Cruz verður fyrirsæta Lindex fyrir vorlínu fyrirtækisins.  Lindex mun fylgja leikkonunni í gegnum þrjár herferðir, frá veislu á rauða dreglinum til afslöppunar í sínum uppáhalds fatnaði og að lokum klæðist leikkonan helstu flíkum sumarsins.  Fyrsta línan verður aðgengileg í verslun Lindex í Smáralind í lok apríl. 

„Með sínum fágaða glæsileika bætir Penélope Cruz dásamlegri og kvenlegri tilfinningu við línuna.  Samsetning af líflegum persónuleika og fáguðum stjörnulífstíl í bland við kímnigáfu er innblástur sem mun gera línurnar skemmtilegar og spennandi“, segir Johan Hallin, Markaðsstjóri hjá Lindex.

Penélope Cruz mun vera fyrirsæta fyrir Lindex í þremur vorherferðum fyrirtækisins.  Herferðirnar byggja á sögu þar sem fylgt er stjörnunni yfir helgi.  Föstudagskvöldið er hin fullkomna veisla með glæsileika, rauðum dregli og ljósmyndurum.  Á laugardeginum sjáum við Penélope slaka á í sínu nánasta umhverfi, klædd sínum uppáhalds flíkum.  Í lokaherferðinni fylgjum við Penélope, íklæddri aðalflíkum sumarsins, í sérstakan sunnudagsmorgunmat á heimili við Miðjarðarhafið.

„Penélope Cruz er draumafyrirsæta fyrir vorlínu okkar.  Hún kynnir hinar ólíku línur sérstaklega vel og er jákvæð, hlý og full af orku sem endurspeglar Lindex vörumerkið með frábærum hætti, “ bætir Johan Hallin við.

Síðan hún sló í gegn árið 1997, hefur Penélope Cruz leikið í fjölda þekktra kvikmynda eins og All About My Mother ásamt mynd Pedro Almodóvar, Volver árið 2006.  Hún vann óskarsverðlaun sem besta leikkona í aukahlutverki fyrir hlutverk sitt sem María Elena í kvikmynd Woody Allen, Vicky Cristina Barcelona.

„Sú staðreynd að hún er fræg um heim allan er klárlega kostur þar sem við störfum á alþjóðlegum grunni,“ segir Johan Hallin.