Malmö úr leik í Meistaradeildinni

Íslendingaliðið LdB Malmö kvaddi Meistaradeild kvenna í kvöld er liðið varð að sætta sig við tap, 0-3, á heimavelli gegn franska liðinu Lyon.

Von Malmö-stúlkna var ekki mikil fyrir leikinn enda hafði liðið tapað fyrri leiknum í Frakklandi, 5-0. Lyon vinnur því rimmuna 8-0 samtals.

Þóra B. Helgadóttir stóð í marki Malmö allan leikinn. Sara Björk Gunnarsdóttir var einnig í liði Malmö en fór af velli á 77. mínútu.

Lyon er komið í undanúrslit keppninnar og er líklegt til afreka.