Matthías skoraði fyrir nýliðana

Matthías Vilhjálmsson var á skotskónum þegar að Start hafði betur gegn Hönefoss, 3-2, í fyrstu umferð norsku úrvalsdeildarinnar í dag.

Matthías skoraði mark sitt á 23. mínútu en Start komst í 3-0 forystu eftir aðeins 33 mínútur. Hönefoss skoraði tvö mörk í síðari hálfleik en Start náði að hanga á sigrinum.

Matthías og Guðmundur Kristjánsson spiluðu báðir allan leikinn fyrir Start, líkt og Kristján Örn Sigurðsson hjá Hönefoss. Arnór Sveinn Aðalsteinsson var á bekknum hjá Hönefoss.

Steinþór Freyr Þorstreinsson spilaði allan leikinn með Sandnes Ulf sem tapaði fyrir Strömsgodset, 2-0. Þá gerði Sogndal og Tromsö 2-2 jafntefli.